Fyri lítlari løtu síðani gjørdi løgmaður greitt fyri útvarpinum hjá Kringvarpinum, at hann í dag hevur fýra møguleikar, og eingin er, at samgongan heldur fram í verandi líki.
Løgmaður var fyri løtu síðani spurdur um hvørjar møguleikar hann nú hevur, eftir at tollmálið hjá Jørgen Niclasen hevur sett Sambandsflokkin og samgonguna í tvíningar.
Løgmaður gjørdi greitt, at hann nú hevur fýra møguleikar at velja í, og komandi vikurnar fara at vísa, hvør møguleiki verður hin rætti.
Løgmaður segði soleiðis um møguleikarnar:
1. Nýval verður útskrivað
2. Sambandsflokkurin fer úr samgonguni
3. Fólkaflokkurin fer úr samgonguni
4. Jørgen Nicalsen umhugsar sína støðu í samgonguni
Sostatt leggur løgmaður ikki upp til, at samgongan kann halda ótarnað fram eftir eftirspælið av tí sokallað tollmálinum, sum elvdi til misálitsuppskot á Jørgen Niclasen í gjár.
