Øll sleppa kortini á læraraskúlan

Hesum boðar hon í kvøld frá. Hon hevur í dag gjørt av, at rektarin á Lær­ar­a­skúl­a­num kann taka øll inn, sum standa á bíði­lista til lærara- og pe­d­a­gog­út­búgv­ing­ar­nar.

Helena Dam á Neystabø fegn­­ast um vaks­andi á­hug­an mill­um ung at nema sær hægri út­búgv­­ing í Før­oyum. Yv­ir 200 les­andi verða nú tik­in inn á tær útbúgvingar, sum Fróð­skap­arsetrið bjóð­ar út.
- Hildið verður fram at fjøl­tátta út­boð­ið av hægri út­búgv­ing­um, og mið­að verð­ur í­móti at økja samstarvið við onn­ur universitet í okk­ara grannalondum, sigur Hel­ena Dam á Neystabø.

Landsstýris­kvinn­an vís­ir á, at sam­gong­an legg­ur stóra orku í at skapa fyr­i­treyt­ir fyri eini góð­ari út­búgv­ing­ar­ski­pan her á landi, sum er ein fyr­i­treyt fyri sam­fel­ags­lig­ari men­ning, vøkstri og trivn­aði. Men av­bjóð­ing­in er stór, tí fíggjarliga til­feing­ið er av­mark­að – eis­ini á útbúgvingar- og ment­an­ar­øk­i­num.

- Tí ræður um, at vit øll læra okkum at tola ávísar skerj­­ing­ar og broytingar á summ­­um økjum, so vit kunnu raðfesta meira á­­trok­­andi virk­semi á øðrum økj­um. Vit mega duga at hús­­ast, so vit fáa meira fyri teir somu pengarnar, sig­ur hon.