Tað eru bara tvey ísfiskalínuskip til fiskiskap í løtuni. Annað skipið fiskar í íslendskum sjógvi, og hitt fiskar undir Føroyum. Helst koma bæði hesi skipini inn at landa í endanum av næstu viku.
- Restin av ísfiskalínuskipunum liggja við bryggju, men skipini fara helst út aftur at royna, tá veðrið batnar.
Á Fiskamarknaði Føroya vita tey í dag at siga, at øll frystilínuskipini eru til fiskiskap. Trý skip fiska í Eysturgrønlandi, og tvey fiska undir Føroyum.
Lagt verður aftrat, at streymurin verður hampiligur, og veðrið verður skiftandi. Tó verður roknað við, at nógvur útróður verður í næstu viku.
