Seinnapartin fríggjadagin varð tað seinasta av teimum fimm fólkunum, sum vóru í húsaleivdini í Ålesund í Noregi, fingið út úr ti, sum eftir er av bygninginum Tað var hin 26. mars, at kletturin omanfyri íbúðarbygningin loysnaði og trýsti bygningin undan sær.
Nú eru so øll tey deyðu funnin og fingin út. Seinasti, ið bjargarliðini komu fram á, var 35 ára gamli Ronny Boger Vike.
Leiðarin fyri bjargingararbeiðnum, Ståle Lindhardt, sigur, at tað var ikki bara sum at siga tað at fáa fatur á hesum seinasta av teimum fimm.
- Eftir at hava arbeitt í nógvar tímar, funnu vit fram til hansara hósdagin, men neyðugt var at skera betong fyri at fáa fatur í honum. Leygardagin høvdu vit so fingið hann út, sigur leiðarin.
Tey, sum doyðu í bygninginum í Ålesund, eru Bjørn Olaf Rudi (52), Unni Søreide Rudi (52), Kristin Krogen (23), Gro Pedersen (46) og Ronny Boger Vike (35).
