Liz Sheridan andaðist herfyri, 93 ára gomul.
Hon var kend sum sjónleikari í sjónvarpsrøðunum Seinfield og Alf, umframt at hon eisini var stjørna á Broadway.
Í røðini Seinfield spældi Sheridan mamma Seinfield, ið vardi hann mest sum ov nógv.
Í Alf var hon forvitna grannakonan mrs. Ochmonek.
Hon byrjaði sína yrkisleið sum dansari á Broadway í fimmtiárunum.
Hon skrivaði eisini bókina Dizzy og Jimmy, har hon lýsir samband sítt við sjónleikaran James Dean.
