Ein av bólkunum, sum fer at framføra á summarfestivalinum í Klaksvík beint eftir ólavsøku, verður kendi rappbólkurin úr Havn, MC Hár. Tað fortelja tey, sum fyrireika summarfestivalin, í morgun.
MC Hár varð stovnað fyri 23 árum síðani, tá ið unglingar í høvuðsstaðnum tóku stig til bólkin, sum seinni gjørdi rættiliga vart við seg bæði á palli og við útgávum. Hesi árini síðani hava úti við 80 tónleikarar spælt onkran leiklut í MC Hár, men árini og royndirnar hava gjørt, at tónleikurin og tekstirnir eru meira gjøgnumførdir. |
Men enn sum áður, eru MC Hár ein áður lívligur og provokerandi rapprockur.
Teir, sum manna MC Hár nú á døgum, eru Tróndur Bogason, Niels Uni Dam, Rani Hammershaimb Christiansen, Heri Reynheim, Jónas Bloch Danielsen, Rókur Jákupsson og Jens Virgar Jakobsen.
