14 av teimum 16 dystunum í fjórða umfari í FA Cup hava verið í dag. Liverpool fall óvæntað á Anfield móti West Bromwich, men fallið kundi verið ógvusligari, um ikki sjónvarpsdøming kom teimum til hjálpar. Harry Kane bjargaði Tottenham frá einum eyðmýkjandi tapi fyri liðið út fjórðbestu deildini.
Liverpool tapti 3-1 fyri West Bromwich á Anfield. Liverpool kom annars á odda við máli frá Roberto Firmino longu aftaná fimm minuttir, men bara minuttir eftir javnaði Jay Rodriquez. Síðani skoraði sami Jay Rodriquez, áðrenn sjónvarpsdømingin við heitinum – VAR – skuldi standa sína roynd.
Fyrst bleiv eitt mál hjá WBA kolldømt fyri rangstøðu, og løtu seinni fekk Liverpool tunt brotsspark, sum Roberto Firmino tó brendi. WBA misti tó ikki móti og økti til 3-1. Aftur var VAR brúkt, men hesa ferð stóð málið við. Liverpool trýti og minkaði um munin, men tað var ikki nokk.
Tottenham var á vitjan í Newport County, sum spælir í fjórðbestu deildini. Vertirnir vóru á odda 1-0 líka til seinastu minuttirnar, tá Harry Kane stútaði eitt hornaspark í mál. Tað merkir, at liðini skulu spæla umdyst.
Av øðrum kann nevnast, at Alexis Sanchez debut fyri Manchester United, sum í gjár vann 4-0 á Yeovil Town. Leicester City vísti styrki í breiddini við 5-1 sigri á Peterborough United.
Sheffield Wednesday 3 - 1 Reading
Yeovil Town 0 - 4 Manchester United
Peterborough United 1 - 5 Leicester City
Huddersfield Town 1 - 1 Birmingham City
Hull City 2 - 1 Nottingham Forest
Middlesbrough 0 - 1 Brighton & Hove Albion
Millwall 2 - 2 Rochdale
Milton Keynes Dons 0 - 1 Coventry City
Notts County 1 - 1 Swansea City
Sheffield United 1 - 0 Preston North End
Southampton 1 - 0 Watford
Wigan Athletic 2 - 0 West Ham United
Newport County 1 - 1 Tottenham Hotspur
Liverpool 2 - 3 West Bromwich Albion
Í morgin:
Chelsea - Newcastle United 13:30
Cardiff City - Manchester City 16:00
