Liverpool boðar í dag frá, at felagið stuðlar Steven Gerrard eftir hendingina fyrranáttina, tá ein 34 ára gamal maður varð innlagdur á sjúkrahús. Maðurin hevði fingið skaða í andlitið og hevur meldað Steven Gerrard til løgregluna. Saman við seks øðrum var enski landsliðsleikarin handtikin.
- Steven Gerrard hevur tænt okkum serstakliga væl seinastu 10 árini. Felagið gevur honum allan tann stuðul, hann hevur tørv á, skrivar Liverpool FC í tíðindaskrivinum.
Steven Gerrard skal í rættin tann 23. januar.
