Liverpool megnaði soleiðis ikki at taka av møguleikanum, sum teir í dag høvdu til at økja um leiðsluna í ensku Premier League, har tey bæði næstu liðini, Manchester United og Chelsea, spæla móti hvørjum øðrum í morgin.
Rory Delap gav annars Liverpool ein skelt tíðliga í dystinum, tá hann rakta tvørtræið, men tað vildi ikki verið órættvíst, um oddaliðið fór avstað við øllum. Ikki minst eftir trýstið, sum teir løgdu seinastu løtuna.
Aston Villa vann seg upp á triðja plássið 2-1 útisigri móti býarfeløgunum úr WBA, og Niklas Bendtner bjargaði Arsenal, tá hann skoraði einsamalla málið í 1-0 sigrinum á Bolton.
Úrslitini í Premier League í dag:
Aston Villa-WBA 2-1
Everton-Hull 2-0
Middlesbrough-Sunderland 1-1
Newcastle-West Ham 2-2
Arsenal-Bolton 1-0
Stoke-Liverpool 0-0
Útsettir vegna veður
Fulham-Blackburn
Portsmouth-Manchester City
