Lutakastið til 1/8 finalurnar í Europa League hevur verið í dag. Liverpool skal til Kekkia at spæla móti Sparta Prague, meðan grannarnir úr Slavia Prague fáa vitjan av AC Milan.
Tað eru fýra bretsk lið í kappingini. Brighton er við fyri fyrstu ferð í Evropa og skal møta AS Roma. Skotska Rangers skal spæla móti Benfica, sum vanliga plagar at spæla í Champions League. Síðani er tað West Ham, sum í fjør vann Conference League, skal spæla móti týska Freiburg.
Bayer Leverkusen, sum í løtuni er oddalið í Týsklandi, skal spæla móti Qarabag úr Aserbadjan. Tað eru eisini tvær spennandi og javnar uppgerðir millum lið, ið vinna seg fram í Evropa. Marseille møtir Villarreal og Sporting Lissabon møtir Atlanta.
Dystirnir verða í fyrru hálvu av mars mánaði.
Europa League 1/8:
Sparta Prague - Liverpool
Marseille - Villarreal
Roma - Brighton
Benfica - Rangers
Freiburg - West Ham
Sporting - Atalanta
AC Milan - Slavia Prague
Qarabag - Bayer Leverkusen
