Fyri einum ári síðani varð 33 ára gamli bretski áleyparin, Rickie Lambert, keyptur úr Southampton til Liverpool. Hetta var ein barndómsdreymur hjá Lambert, ið frá barnsbeini hevði verið íðin Liverpool-viðhaldsmaður.
Barndómsdreymurin hjá Lambert bleiv tó ongantíð nøkur verulig sólskinssøga. Í 25 dystum megnaði framherjin bert at skora tvey mál.
Nú er líkt til, at framherjin fer nýggjar leiðir. Sambært Sky Sports, so er Rickie Lambert í løtuni til læknakanning hjá West Bromwich Albion, ið væntandi kunnger seinni í dag, at Lambert er teirra maður.
