Liverpool brendi seg illa í Brentford

Liverpool hevur longu tapt fyrsta dystin í 2023. Tað gjørdu teir í kvøld á útivølli móti Brentford, sum vann uppiborið 3-1. Talan var um ein hendingaríkan dyst við fleiri kolldømdum málum.

Liverpool fekk ein møguleika at leggja seg á odda, tá Darwin Núñez rak framvið málverjanum, men tað hevur serliga verið tað lætta arbeiðið, sum áleyparin ikki hevur fingið gjørt. Á málstrikuni stóð ein verjuspælari og bjargaði.

Í hinum endanum skoraði Brentford eftir hornaspark. Eitt sjálvmál. Tað bleiv eisini 2-0 eftir innlegg, og stutt frammanundan hevði Brentford fingið eitt mál kolldømt. Heimaliðið var greitt omaná.

Í hálvleikinum skifti Liverpool tríggjar og svaraði aftur. Fyrst skoraði Darwin Núñez, men málið bleiv kolldømt, men bara minuttin seinni skoraði Alex Oxlade-Chamberlain. Eina løtu trýsti Liverpool, men fimm minuttir fyri tíð avgjørdi Bryan Mbeumo dystin í mótálopi.

Brentford hevur við sigrinum lagt seg undir liðina á Liverpool, sum er nummar seks. Fyri Liverpool er talan um enn ein vánaligan dyst í hesum kappingarárinum. Tað eru ávaringartekin um eitt lið í stórari afturgongd í løtuni.

Komandi tríggjar dagarnar verður restin av 17. umfarið spælt.