Fyri fyrstu ferð síðani august eydnaðist tað í dag Liverpool at vinna ein dyst í Premier League.
Liverpool vann 2-1 á heimavølli móti West Bromwich, hóast støðan eitt skifti í seinna hálvleiki var 1-1.
Ein av nýggju Liverpool leikarunum, Adam Lallana legði Liverpool á odda 1-0 í fyrra hálvleiki, eftir frálíkt uppspæl, har hann sjálvur var við. Og maðurin, ið avgjørdi dystin fyri Liverpool var arbeiðshesturin á miðvøllinum, Jordan Henderson.
Aðrastaðni fekk hart sperda Newcastle týðandi stig á útivølli móti Swansea. Dysturin endaði við 2-2 javnleiki. Annan dystin á rað var tað senegalesiski áleyparin, Papiss Cissé, ið var avgerandi maðurin fyri Newcastle, tí hann skeyt bæði málini fyri Newcastle.
Newcastle eigur tó enn fyrsta sigurin til góðar í Premier League í hesum kappingarárinum.
Úrslitini í dag:
Liverpool – West Bromwich 2-1 (1-0)
1-0 Adam Lallana
1-1 Saido Berahino
2-1 Jordan Henderson
Swansea – Newcastle 2-2 (1-1)
1-0 Wilfried Bony
1-1 Papiss Cissé
2-1 Wayne Routledge
2-2 Papiss Cissé
Hull City – Crystal Palace 2-0 (0-0)
1-0 Mohamed Diamé
2-0 Nikica Jelavic
Leicester – Burnley 2-2 (2-1)
1-0 Jeffrey Schlupp
1-1 Michael Kightly
2-1 Riyad Mahrez
2-2 Ross Wallace
Sunderland – Stoke 3-1 (2-1)
1-0 Connor Wickham
1-1 Charlie Adam
2-1 Steven Fletcher
3-1 Steven Fletcher
