Livar Nysted er ikki meira enn komin aftur frá sínum seinasta túri, men longu nú er hann klárur til næstu avbjóðingina.
Lokalfelagið hjá Tjóðveldinum í Norðoyggjum hevur nevniliga kunngjørt í dag, at trý fólk eru á teirra lista til løgtingsvalið, harav Livar Nysted er ein teirra. Tað skrivar Norðlýsið.
Livar skal harvið hjálpa flokkinum at tryggja umboðan úr Norðoyggjum. Flokkurin misti sítt umboð í økinum í 2012, tá tað ikki eydnaðist Heina O. Heinesen at vinna sætið aftur á tingi.
Hini bæði, ið longu frammanundan hava boðað frá at tey stilla upp, eru Óluva Klettskarð úr Haraldssundi og Jóhann Lutzen úr Klaksvík.
