Susan Gatti, leikstjóri, fer í næstum at varpa ljós á havrógving, sum yvirskipaða evnið, og túrin hjá Livari Nysted og manningini umborð á Artemis Investments tvørtur um Atlantshavið í dokumentarfilmi.
Ein slíkur filmur varpar ljós á Føroyar, sigur hann.
- Eg hevði sjálvur eitt upptøkutól við, og eg fekk fleiri feskar upptøkur. Myndirnar eru eitt sindur øðrvísi, og Susan Gatti vil fegin hava tær í filminum eisini, greiðir Livar frá.
Gatti prátaði við Livar og hinar framman fyri snurrandi myndatólum undan og eftir ferðini í summar. Samrøðurnar skulu eisini brúkast í filminum.
