Landsliðsleikarin, Lív S. Poulsen og liðfelagarnir í TMS Ringsted í næstbestu donsku hondbóltsdeildini fingu eina ringa byrjan upp á kappingina við fimm tapum fyrstu fimm dystirnar.
Men seinasta vikuskiftið bragdaði hjá Ringsted, tá tær á heimavølli vunnu 25-23 (12-12) á Fredricia.
Í dag gekk aftur væl hjá Ringsted, ið vann 28-24 á Ejstrup/Hærvejen á útivølli. Í steðginum var støðan javnleikur 13-13.
Lív skoraði trý mál.
Ringsted er nummar 10 og triðaftast í deildini við fýra stigum fyri sjey dystir. Fredericia og Aalborg HK liggja aftast við ongum stigi.
Komandi leygardag tekur Ringsted móti Aalborg HK á heimavølli, og tá skuldi verið góður møguleiki fyri enn einum sigri til Ringsted.
