Skúlin í Tjørnuvík skal nú verða til taks hjá listafólki at búgva í.
Tað hevur kommunustýrið í Sunda Kommunu einmælt samtykt í kvøld.
Skúlin hevur staðið tómur síðani hann varð afturlatin nakað síðani og í tí sambandi hevur kommunustýrið hugsað um, hvat hann kann brúkas til.
Skúlin er í góðum standi innan og tað ber væl til hjá einum ella tveimum fólkum at at húsast í honum.
Og nú hevur kommunustýrið einmælt samtykt at bjóða hann fram til listafólk at búgva í eina tíð við tí endamáli at sleppa burtur frá vanliga gerandisdegnum fyri at hugsavna seg um eitthvørt listarlist avrik.
Nú fer kommunan, í samstarvi við LISA, sum er áhugafelagið hjá listafólkum, at gera reglugerð fyri, hvussu húsið skal brúkast.
- Tað er er so nógv uppi í tíðini, at listafólk fara á ferð at leita eftir sær sjálvum og tey kunnu akkurát tað sama koma til Tjørnuvíkar sum at fara til amerika, helt Asbjørn J. Djurhuus, kommunustýrislimur.
Bæði hann, og borgarstjórin Heðin Zachariasen vísa á at hetta kann saktans samskipast við onnur endamál og at skúlin eisini kann brúkas til annað enn listafólk inn ímillum
Myndina av Tjørnuvík hevur Erik Christensen tikið.
