Hesum boðar útvarpsstøðin frá í tíðindaskrivi.
– Men í hesi skiftistíðïni, inntil Lindin hevur eitt nýtt FM-sendinet – væntandi um tveir mánaðir - fer Lindin tó ikki at gevast at senda, skrivar Lindin og heldur fram:
Arbeitt verður við at fáa fyribilssendarar upp í Klaksvík og Havn innan eina viku. Somuleiðis verður innan eina viku møguligt at hoyra Lindina á eini kanal í televarpinum.
Og harafturat hava lurtarar hesar møguleikar:
- Til ber at lurta eftir beinleiðis útvarpi á lindin.fo.
- Tað er møguligt at lurta á internetútvarpi, sum gevur betri ljóð enn eitt FM-útvarp. Tey nýggjastu internetútvørpini eru sera brúkaravinarlig við yndisstatiónum. Innstillingin kann tó vera torfør, Lindin kann vísa til hjálp hesum viðvíkjandi. Spurningar kunnu sendast við telduposti til lindin(at)lindin.fo .
- Lindin fer at stroyma flestu nýggju tosi-sendingar beinleiðis á facebooksíðuni: “Lindin – kristiligt kringvarp”.
- Tað er møguligt at lurta eftir nýggjum tosi-sendingum aftan á, at tær eru sendar, antin á lindin.fo ella sum poddvarp á flestøllum poddvarpplattformum (tað er møguligt at gera eitt hald á yndissendingar sum poddvarp, so koma teir nýggju partarnir í sendingini av sær sjálvum á tína snildfon ella teldil).
Sum áður nevnt, so verður nýggja FM-netið klárt væntandi um tveir mánaðir. Møguleikarnir omanfyri verða eisini har tá, og so verður eisini eitt varandi FM-signal klárt.
