Strandfaraskipið, Sam, er farin á beding og sostatt var Erla Kongsdóttir sett í siglingina upp á Kalsoynna. Men nú hevur eisini Erla Kongsdóttir fingið tekniskar trupulleikar og tískil var neyðugt at taka hana úr sigling.
Ístaðin er Tjørnunes settur at røkja kalsoyarsiglingina. Erla Kongsdóttir liggur nú í Klaksvík, har brekið verður umvælt.
Jóhan Petur Abrahamsen, virkandi stjóri á Strandferðsluni, sigur, at trupulleikin er í battaríunum, tí tey løða ikki og tað brekið skal umvælast. Alt varð annars gjøgnumgingið í farnu viku uppundir at hon skuldi setast í sigling og tað riggaði alt, sum tað skuldi, men í gjárkvøldið tóku trupulleikar seg kortini upp.
Hann sigur, at vónin er, at tet klára at umvæla brekið nú fyrrapartin so at Erla Kongsdóttir kann verða sett í sigling nú seinnapartin – men beint nú í skrivandi løtu er tað óvist.
