Tað gekk misjavnt hjá systkinabørnunum úr Hoyvík í bestu svensku hondbóltsdeildini í kvøld.
Óli Mittún og liðfelagarnir í Sävehof vunnu á útivølli stórsigur 36-23 á Önnered. Í steðginum var Sävehof á odda 17-12.
Óli gjørdist næstbesti málskjúttin hjá Sävehof. Hann skoraði sjey mál og legði upp til tvey mál.
Sävehof er saman við AMO og Hammarby fremst í deildini við seks stigum
Rói Ellefsen á Skipagøtu og liðfelagarnir í Hallby vóru fyri fyrsta tapinum hetta kappingarárið, tá teir á útivølli taptu 25-30 móti Karlskrona. Í steðginum var heimaliðið á odda 17-10.
Rói skoraði eitt mál og legði upp til fýra mál.
Hallby hevur fýra stig fyri tríggjar teir fyrstu dystirnar.
