Í dag fekk Elias Ellefsen á Skipagøtu eina flotta debut í heimsins bestu hondbóltsligu, týsku bundesliguni við sjey málum í 36-25 (18-15) sigrinum hjá THW Kiel á Balingen-Weilstetten á útivølli.
Í annaðkvøld klokkan 18 fær Hákun West av Teigum vónandi og væntandi sína debut í heimsins bestu hondbóltsligu.
Liðið hjá Hákuni, Füchse Berlin spælir ársins fyrsta bundesligadyst á útivølli móti Leipzig. Dysturin byrjar klokkan 18.
Tað vera góðir møguleikar hjá føroyingum at fylgja við gongdini hjá Hákuni og liðfeløgunum, tí TV3 Sport hjá Televarpinum vísir dystin beinleiðis.
