Tað gekk framúr væl hjá Gunnari Vatnhamar og liðfeløgunum í Víkingi Reykjavík.
Víkingur vann bæði íslendska meistaraheitið og steypakappingina.
Og nú hevur Víkingur fingið enn ein flottan heiður. Víkingur er ársins lið 2023 í øllum liðítrótti í Íslandi.
Kvinnuliðið hjá Víkingi í fótbólti fekk næstflest atkvøður, og mansliðið í kurvabólti hjá Tindastóll fekk triðflestar atkvøður.
Nummar seks á yvirlitinum er mansliðið í hondbólti hjá ÍBV, sum við Dánjali Ragnarssyni og Janusi Dam Djurhuus á liðnum vann íslendska meistaraheitið.
Venjarin hjá Gunnari og liðfeløgunum í Víkingi, Arnar Gunnlaugsson fekk eisini heiðurin at vera kosin ársins íslendski venjari 2023 í liðítrótti. Arnar Gunnlaugsson vann frammanfyri Þórir Hergeirsson, ið vann HM-silvur við norska kvinnulandsliðnum í hondbólti.
