Dánjal Ragnarsson var við í hópinum hjá ÍBV sum ferðaðist úr Vestmannaoyggjunum til Hafnarfjarðar at spæla 1. hálvfinaluna móti Haukum í endaspælinum í bestu íslendsku hondbóltsdeildini.
ÍBV vann dystin 35-30 aftaná eitt sera sannførandi avrik í seinna hálvleiki. Í steðginum vóru Haukar á odda 15-14.
Dánjal kom ikki á máltalvuna fyri ÍBV í kvøld.
ÍBV spælir 2. hálvfinaluna á heimavølli komandi mikukvøld klokkan 19.
Ein møgulig 3. hálvfinala verður leikt á Hafnarfjørðinum komandi leygardag.
