Tá ið aðalfundurin hjá Fótbóltssambandi Føroya var fyrst í síðsta mánaða, var nógv umrødda formansvalið útsett til ein nðggjan fund, ið verður nú komandi leygardag. Til aðalfundin var bert tað eina valevni, Frithleif Olsen, og hetta mettu fleiri feløg verða óheppið.
Frithleif Olsen hevur valt at taka seg aftur sum formansvalevni, eftir at hann júst er valdur til formann í nevndini fyri Føroya Sparikassa, og tískil ikki metti seg føran at røkja báðar formanssessirnar.
Sama støða
Formansvalið á aðalfundinum í februar bleiv útsett, tí fleiri feløg mettu tað verða óheppið, at eitt annað valevni, núverandi formaður Dánja Andreasen, trekti seg, eftir at freistin var úti fyri at koma við valevnisuppskotum. Óli Holm stillaði ikki upp til formanssessin tá, og feløgini vildu fegin hava møguleikan at velja millum í minsta lagi tvey valevnir. Tískil setti VB fram uppskot um, at formansvalið var útsett, og hetta var samtykt.
Nú er FSF komið í somu støðu við tað, at eitt valevni hevur trekt seg, eftir at freistin fyri at skjóta upp valevnir er úti, og tískil er aftur hesaferð bert tað eina valevni til formanssessin, nevnliga Óli Holm.
Formaðurin í VB, Johan Hendrik Holm, ið legði uppskotið um útsetan av formansvalið fram á aðalfundinum í februar, sigur seg ikki hava nakra viðmerking til støðuna, sum nú er, tí at hann er sonur formansvalevni, Óla Holm, og tískil vil spurnartekin altíð verða sett við støðuna hjá VB í løtuni.
Eitt av feløgunum, ið skeyt Frithleif Olsen upp sum formansvalevni, er B68, og Niclas Davidsen formaður í B68, heldur tað verða harmiligt, at Frithleif Olsen hevur trekt seg, men felagið hevur enn ikki viðgjørt støðuna, men tað verður væntandi gjørt á innanhðsis fundi íkvøld. Niclas Davidsen sigur, at tað er ein óheppin støða, sum nú er komin í, men at feløgini fáa ikki gjørt nakað við tað, tí nú er ov seint at koma við onkrum nðggjum valevni. Hann væntar eisini, at tey einstøku feløgini fara viðgerða málið innanhðsis í hesi vikuni, og helst fara onkur feløg eisini at tosa saman undan aðalfundinum leygardagin.
Óli allarhelst formaður
Á fundin leygardagin verður Óli Holm allarhelst valdur til nðggjan formann í FSF. Tó ber til at útseta valið enn einaferð, men í løtuni er ikki nógv, ið bendir á tað, tí tað tykist sum um, at Óli Holm er ein maður, ið hevur hollan stuðul millum feløgini.
Óli Holm hevur verið virkin innan FSF í mong ár, og hann hevur sitið í starvsnevndini í drúgt tíðarskeið. Verður Óli Holm valdur til formann, verður hann fyrsti suðuroyingurin, ið situr í sessinum.
Nógv rumbul hevur verið um formansstríðið í FSF, og fráfarandi formaðurin, Dánjal Andreasen, stóð serliga fyri skotum, og tað endaði so við, at hann valdi at leggja kongin og taka seg aftur sum valevni. Ein meiriluti i starvsnevndini hjá FSF skeyt Rúna Heinesen upp sum formansvalevni, men hann valdi at taka seg aftur, eftir at fleiri feløg høvdu víst sína misnøgd við framferðina hjá meirilutanum í starvsnevndini.
