Tá landsliðið í gjár vandi á Tórsvølli var ein serligur gestur á áskoðaraplássunum. Talan er um fyrrverandi liðskiparin á landsliðnum, Óli Johannesen. Hann er pápabeiggi Patrik Johannesen, sum er úttikin á fyrsta sinni.
Hoyr samrøðuna við at trýsta á pílin
- Eg eri ótrúliga stoltur av, at Patrik er komin á landsliðið. Eg hevði nokk ikki væntað, at hann longu nú fór at koma á landsliðið, men hann hevur gjørt tað væl í B36, sigur Óli Johannesen, sum náddi at spæla 83 landsdystir fyri Føroyar.
Les eisini: Halt munn og slepp tær vekk
Hann er í dag lærari og hevði ein lítlan skúlaflokk við til venjing. Tað er ikki heilt av tilvild, at tey komu til eina landsliðsvenjing hesaferð, tí nú er ein Johannesen aftur á landsliðnum. Óli Johannesen spældi sjálvur á fyrsta sinni á landsliðnum í 1992, tá hann bleiv innskiftur fyri beiggjan og pápa Patrik, Jón Johannesen.
