Hóast veðurguðarnir høvdu hótt við regnið og toru í tíðarkoyringini, so var turt á Sinopec breytini í Shanghai allan tíman meðan tíðarkoyringin var. Men forsøgnirnar fyri siga at 80% møguleiki er fyri regnið, tá koyringin verður í morgin.
Áðrenn hesa koyringina er Hamilton 12 stig frammanfyri liðfelagan Fernando Alonso í kappiningini um HM, og við einans 20 stigum eftir at kappast um, kann Hamilton, við ikki at enda meira enn eitt pláss aftan fyri Alonso í morgin, gerast tann fyrsti formil 1 koyrarin nakrantíð, ið gerst heimsmeistari, fyrsta árið hann koyrir. Hann verður samstundis yngsti heimsmeistarin nakrantíð.
Eftir tíðarkoyringina er Hamilton uppaftur nærri hesum dreymi, ikki nóg mikið við, at hann fekk fremstu byrjunarstøðu, men Alonso fekk einans fjórðu byrjunarstøðu aftan fyri Ferarri koyrararnar Kimi Räikkönen og Felipé Massa. Ferrari bilurin sær sera skjótur út hetta vikuskiftið, tí verður trupult hjá Alonso at gera um seg.
David Coulthard á fimta plássi og Mark Webber á sjeynda plássi, vístu at góða úrslitið hjá Red Bull í Japan ikki var av tilvild, og tað tykist, sum Adrian Newey teknaði bilurin endiliga byrjar at vísa sítt potentiali, hetta boðar gott fyri komandi kappingarár.
Byrjunarstøða Koyrari Lið
1 Lewis Hamilton McLaren-Mercedes
2 Kimi Räikkönen Ferrari
3 Felipe Massa Ferrari
4 Fernando Alonso McLaren-Mercedes
5 David Coulthard Red Bull-Renault
6 Ralf Schumacher Toyota
7 Mark Webber Red Bull-Renault
8 Nick Heidfeld BMW
9 Robert Kubica BMW
10 Jenson Button Honda
11 Vitantonio Liuzzi STR-Ferrari
12 Sebastian Vettel STR-Ferrari
13 Jarno Trulli Toyota
14 Heikki Kovalainen Renault
15 Anthony Davidson Super Aguri-Honda
16 Nico Rosberg Williams-Toyota
17 Rubens Barrichello Honda
18 Giancarlo Fisichella Renault
19 Alexander Wurz Williams-Toyota
20 Takuma Sato Super Aguri-Honda
21 Adrian Sutil Spyker-Ferrari
22 Sakon Yamamoto Spyker-Ferrari
