Í næsta mánaði kemur nýggj fløga frá Jens Marna Hansen út. Talan er um eina heilt serstaka fløgu, tí á fløguni eru føroyskir sangir, sum allir eru kendir frammanundan.
- Eg hevði hug til at royna nakað nýtt, og so hugsaði eg, at hetta var eitt sindur øðrvísi og stuttligt. Á fløguni eru sangir, sum eg plagi at spæla til dans, men á fløguni er tað so mín egna tulking av sangunum, hóast teir ikki verða stórvegis broyttir, greiðir Jens Marni Hansen.
Á fløguni eru sangir sum Heimkoman, Sára, Nánd og Tá kvøldið kemur.
- Eg havi valt sangir, sum fólk kenna væl frammanundan, og sangir, sum fólkum dámar væl at syngja við til, sigur Jens Marni Hansen, sum hevur fleiri gestasangarar við á fløguni.
- Fleiri av teimum eldru sangarunum, sum tó framvegis eru ungir í sinni, eru við á fløguni, og eg havi spurt Robert McBirnie, Nikolinu av Kamarinum, Ólav Højgaard og Stanley Samuelsen um at syngja onkrar av sangunum við mær á fløguni, sigur Jens Marni Hansen.
Trýst á pílin undir myndini og hoyr Jens Marna greiða frá nýggju fløguni og spæla sangirnar Nánd og Morguntúr í juni.
