Leo XIV pávi halgaði italska tannáringin Carlo Acutis í dag.
Carlo Acutis doyði av blóðkrabba sum 15 ára gamal í 2006 og hevur verið kallaður "Guds ávirkari", tí hann breiddi boðskapin hjá katólsku kirkjuni út á netinum.
Tað skrivar tíðindastovan AFP.
Hann er tann fyrsti úr Generation Y - ella tann fyrsti "millennial" - at verða halgimenni í katólsku kirkjuni.
Carlo Acutis brúkti nógva av síni frítíð til at koda og spæla telduspøl, og síðani fortaldi hann øðrum um sína trúgv á netinum.
Nógv vóru savnað í Pæturskirkjuni í Vatikaninum í miðbýnum í Róm fyri at vera vitni til, at Carlo Acutis varð halgaður. Heilaggerðin fór fram undir lógvabrestum frá teimum møttu katolikkum, skrivar AFP.
Líkið av deyða Carlo Acutis - ílatin kovboybuksur og Nike renniskógvar - er at síggja í eini grøv við glasveggi í italska býnum Assisi.
/Ritzau/
