Arctic Voyager, TG 965, liggur framvegis við kaj í Fuglafirði. Uppisjóvarskipið, ið er tilhoyrandi í Hvalba, hevur fingið nakað av skaða á botnin, og tað lekur eitt sindur, men heldur tó lens við egnum pumpum, upplýsir MRCC.
– Eg kann ikki siga so nógv enn, men vit mugu millum annað kanna, um skipið kann sigla, sigur Hans Johannes á Brúgv, stjóri í Sjóvinnustýrinum.
Hann vísir á, at um tað er hol á, so sleppur skipið ikki at sigla.
Skiparin skal geva frágreiðing, og kannast skal eisini nærri, hvør orsøkin er til hendingina. Partarnir í málinum, sum til dømis tryggingin og sjóvinnustýrið kunnu eisini biðja um sjófrágreiðing.
Les meira her:
Arctic Voyager slapp sjálvt av aftur
Arctic Voyager rent á land í Fuglafirði
