Leivur Mortensen var eyðsýndur í dag tá lið hansara, Odder spældi á útivølli móti Team Sydhavsøerne í næstbestu donsku hondbóltsdeildini.
Leivur gjørdi sítt við at skora sjey mál, men tíverri gjørdist talan um 35-39 móti liðnum, ið liggur triðfremst í deildini.
Team Sydhavsøerne var á odda 21-17 í steðginum, so talan var um ein málríkan dyst.
Odder er nummar 10 av teimum 14 liðunum í næstbestu deildini við 10 stigum fyri 14 dystir.
Komandi leygardag verður føroyingauppgerð. Tá tekur Odder móti Róki Akralíð og hinum í HC Odense.
Eftir tann dystin er vetrarsteðgur til 21. januar.
