Um ein hálvan til eina tíma fer bjargingarskipið, Brimil, undir at leita eftir tí 34 ára gamla manninum, sum sló út av gagnaskipinum, Anitu í gjárkvøldið.
Les eisini: Garnabáturin Anita mist mann fyri borð
Tað var í gjárkvøldið, at Anita boðaði frá, at teir høvdu mist ein mann. Talan er um ein 34 ára gamlan indonesara.
Anita fór beinanvegin at leita eftir manninum, men tað var til fánýtis.
MRCC í Tórshavn sigur, at bjargingararbeiðið varð sett í verk alt fyri eitt, og Brimil varð sendur avstað.
Boð vórðu eisini send eftir tyrluni, men boðini vóru, at tað var ov langt hjá henni at fara.
Anita er stødd 185 fjórðingar vestur úr Føroyum og líkindini eru sera vánalig.
Hann er 18 til 25 metrar um sekundið av útsynningi sunnan, og aldan er sjey metrar.
- Tá ið Brimil er komin fram, seta tey eitt leitiøkið av og so verður farið at leita, sigur MRCC.
|
