Mikudagin hin 12. apríl verður almenn handan av hitaskipanini við skúlan í Leirvík, og tiltakið verður frá klokkan 13 til 15 henda dagin.
- Talan er um grøna "intelligenta" upphitingarskipan, ið skal geva hita til skúlan og eldrasambýlið Giljagarð í Leirvík, siga tey í Eysturkommunu í dag.
Skipanin hevur framkomna tøkni, sum lagar nýtsluna eftir, nær framleiðslan av el-orku er mest grøn. Royndirnar frá verkætlanini verða virðismiklar í útbyggingini av framtíðar el- og upphitingarskipanum.
Hitaskipanin verður í mestan mun rikin við grønari el-orku.
- Umframt jarðhitapumpu, fleiri 400 metra djúp borihol og fjarhitaleiðing er eisini ein stórur vatntangi partur av skipanini, har hitaorka skal goymast.
Í Eysturkommunu siga tey, at hitaskipanin skal hita skúlan og eldrasambýlið Giljagarð í Leirvík, sum annars hava brúkt oljufýr og 70.000 litrar av olju um árið.
- Arbeiðið byrjaði miðskeiðis í 2021 og er nú komið á mál, verður lagt aftrat.
