Longu eftir góðum minutti hevði Tór-Ingar Akselsen lagt HB á odda, og so var kósin sett. AB hevði stutt eftir bóltin í netinum, men linjuverjin metti tó, at talan var um rangstøðu, tá Súni Fríði Barbá stútaði í netið.
Leikliga var HB omaná, og tá Milan Kulic økti til 2-0, var mest sum allur ivi ruddaður burtur.
Tór-Ingar økti beint undan steðginum, og í seinna hálvleiki kundi HB veruliga taka sær av løttum. Tað gav í nøkrum førum AB møguleikar, men teir megnaðu tó ikki at taka av. Í hinum endanum hevði HB tó eisini sínar kjansir, og serliga mundi Christian Høgni Jacobsen iðra seg um, at tað ikki eydnaðist at fáa gongd á málskjótingina.
Móti endanum økti Rókur F. Jespersen.
HB-AB 4-0 (3-0)
1-0: Tór-Ingar Akselsen
2-0: Milan Kulic
3-0: Tór-Ingar Akselsen
4-0: Rókur av Fløtum Jespersen
