Ein 30 ára gamal maður, sum vildi sleppa til Rom at hyggja at einari kirkju, leigaði hósnáttina í farnu viku ein hýruvogn í Odense.
Hýruvognsførarin var bilsin, tá ið maðurin greiddi frá sínum ynksi.
- Hann segði mær, at hann vildi sleppa til Rom at hyggja at einari kirkju, og eg helt, at eg skuldi koyra hann á flogvøllin. Men nei, hann skuldi hoyrast allan vegin til Rom í taxa, sigur Martin Langsted við metroxpress.
Taxametrið var í gongd, meðan hýruvognurin koyrdi leiðina suður gjøgnum Týskland, Eysturríki og Italia – til Rom. Ferðin tók tríggjar dagar, og taxametrið steðgaði á 29.226 krónur.
Hýruvognsførari er fegin um longu ferðina, tí hon gav honum næstan eina mánaðarløn.
