Lars Olsen hevur úttikið føroyska A-landsliðshópin til venjingardystin móti Íslandi, sum verður mikudagin 14. august á Laugardalsvøllinum í Reykjavík.
Leif Niclasen, sum er toppskjútti á Effo-deildini, er millum teir, ið hava fingið landsliðsboð. Eisini Erling Jacobsen úr Víkingi er við aftur.
Lars Olsen hevur úttikið hesar:
Gunnar Nielsen, Motherwell (SCO)
Teitur M. Gestsson, HB Tórshavn
Hans Jørgensen, HB Tórshavn
Jónas Tór Næs, Valur (ICE)
Atli Gregersen, Víkingur
Erling Jacobsen, Víkingur
Rógvi Baldvinsson, Bryne BK (NOR)
Pól Jóhannus Jústinussen, NSÍ Runavík
Viljormur Davidsen, FC Fredericia (DK)
Hallur Hansson, AaB Ålborg (DK)
Fróði Benjaminsen, HB Tórshavn
Súni Olsen, B36 Tórshavn
Christian R. Mouritsen, HB Tórshavn
Leif Niclasen, EB/Streymur
Heini Vatnsdal, HB Tórshavn
Símun Samuelsen, HB Tórshavn
Jóan Símun Edmundsson, Viking Stavanger (NOR)
Arnbjørn Hansen, EB/Streymur
Páll Klettskarð, KÍ Klaksvík
Fýra HM-undankappingardystir verða í heyst. 6. september spælir føroyska A-landsliðið á útivølli móti Kasakhstan, og fýra dagar seinni, týsdagin 10. september vitjar týskarar í Føroyum, skrivar fsf.fo.
11. oktober kemur Kasakhstan á vitjan í Føroyum, meðan seinasti dystur í hesari undankapping verður týsdagin 15. oktober, tá Føroyar og Eysturríki møtast á Tórsvølli.
