Í gjár var seinasta umfari í Premier League. Manchester City vann kappingina greitt, meðan grannarnir úr Manchester United blivu nummar tvey. Størsti spenningurin í oddinum var um hvør fór avstað við Champions League plássunum.
Her megnaði Liverpool at vinna seg upp á triðja plássið við átta sigrum og tveimum javnleikum í teimum seinastu tíggju dystunum. Liverpool vann 2-0 á Crystal Palace. Sadio Mané skoraði bæði málini. Hetta var eisini seinasti dysturin hjá Georginio Wijnaldum í Liverpool-troyggjuni. Hann skiftur helst til FC Barcelona – um Ronald Koeman yvirlivur summari sum venjari í katalanska stórfelagnum.
Chelsea hevur upptakt til eitt fantastisk kappingarár, men við óstøðugum úrslitum móti endanum, og eini taptari FA Cup finaluni, so hevði Chelsea kós út úr Champions League plássunum. Teir taptu eisini móti Aston Villa í seinasta umfarinum, men bjargingin kom frá Tottenham.
Grannarnir úr London vunnu nevniliga 4-2 á kappingarneytanum Leicester City. Við hesum hevur Leicester City annað árið á rað mist eitt pláss í Champions League á seinasta leikdegnum. Harry Kane var millum málskjúttarnar hjá Tottenham. Hann er toppskjútti í Premier League við 23 málum.
| 1 | Man City | 38 | 27 | 5 | 6 | 83:32 | 86 |
| 2 | Man United | 38 | 21 | 11 | 6 | 73:44 | 74 |
| 3 | Liverpool | 38 | 20 | 9 | 9 | 68:42 | 69 |
| 4 | Chelsea | 38 | 19 | 10 | 9 | 58:36 | 67 |
| 5 | Leicester | 38 | 20 | 6 | 12 | 68:50 | 66 |
| 6 | West Ham | 38 | 19 | 8 | 11 | 62:47 | 65 |
| 7 | Tottenham | 38 | 18 | 8 | 12 | 68:45 | 62 |
| 8 | Arsenal | 38 | 18 | 7 | 13 | 55:39 | 61 |
| 9 | Leeds United | 38 | 18 | 5 | 15 | 62:54 | 59 |
| 10 | Everton | 38 | 17 | 8 | 13 | 47:48 | 59 |
| 11 | Aston Villa | 38 | 16 | 7 | 15 | 55:46 | 55 |
| 12 | Newcastle | 38 | 12 | 9 | 17 | 46:62 | 45 |
| 13 | Wolves | 38 | 12 | 9 | 17 | 36:52 | 45 |
| 14 | Crystal Palace | 38 | 12 | 8 | 18 | 41:66 | 44 |
| 15 | Southampton | 38 | 12 | 7 | 19 | 47:68 | 43 |
| 16 | Brighton | 38 | 9 | 14 | 15 | 40:46 | 41 |
| 17 | Burnley | 38 | 10 | 9 | 19 | 33:55 | 39 |
| 18 | Fulham | 38 | 5 | 13 | 20 | 27:53 | 28 |
| 19 | WBA | 38 | 5 | 11 | 22 | 35:76 | 26 |
| 20 | Sheffield Utd | 38 | 7 | 2 | 29 | 20:63 | 23 |
