Spælararnir á næstbestu liðunum hjá EB/Streymi og HB liggja ikki uppi í songini og sova dagin burtur.
Longu klokkan ellivu er fyrsta bríksl í Hólmanum á Eiði, har HB er gestur hjá EB/Streymi.
Talan er um annan dystin í sætta umfari. NSÍ vann mikukvøldið tann fyrsta. Tað var á heimavølli ímóti B68. Heimaliðið vann 2-0.
B71 og 07 Vestur skuldu havt spælt mikukvøldið, men tann dysturin varð útsettur.
Hinir báðir dystirnir í dag eru B36 – Skála og Víkingur – KÍ.
Víkingur er topplið við trettan stigum, og KÍ er á fjórða plássi við tíggju stigum.
Skála og B36 eru á ávikavíst sætta og sjeynda plássi. Bæði liðini hava fýra stig.
EB/Streymur – HB: Petur Reinert kl. 11.00
Víkingur – KÍ: Rani A. Skaalum kl. 15.00
B36 – Skála: Rúni Olsen kl. 15.00
