Tað verða tveir nýggir venjarar í Premier League í dag. Duncan Ferguson er fyribilsvenjari hjá Everton, sum spælir móti Chelsea, meðan Nigel Pearson er settur fyri restina av kappingarárinum hjá Watford.
Everton segði í gjár Marco Silva úr starvi eftir 18 mánaðir. Duncan Ferguson hevur verið í venjaratoyminum hjá Everton, men skal nú standa á odda fyri liðnum, ið hann eisini umboðaði sum spælari. Hann var ágrýtin áleypari, sum aldrin legði fingarnar í millum. Hvørki í sínum spælistíli ella orðadrátti. Tað elska tey hann enn fyri á Goodison Park. Tí er ein møguleiki fyri, at leikvøllurin kókar í morgin klokkan 12.30.
Nigel Pearson verður triði venjarin hjá Watford í hesum kappingarárinum. Hann tekur við eftir Quique Sánchez Flores, sum sjálvur tók við eftir Javi Garcia. Watford liggur aftast við bara átta stigum. Tað er sjey stig upp til Southampton, ið leggur omanfyri niðurflytingarstrikuna.
| 1 | Liverpool | 15 | 14 | 1 | 0 | 37:14 | 43 |
| 2 | Leicester | 15 | 11 | 2 | 2 | 35:9 | 35 |
| 3 | Manch.City | 15 | 10 | 2 | 3 | 43:17 | 32 |
| 4 | Chelsea | 15 | 9 | 2 | 4 | 30:21 | 29 |
| 5 | Wolves | 15 | 5 | 8 | 2 | 21:17 | 23 |
| 6 | Manch.Utd | 15 | 5 | 6 | 4 | 23:18 | 21 |
| 7 | Crystal Palace | 15 | 6 | 3 | 6 | 14:18 | 21 |
| 8 | Tottenham | 15 | 5 | 5 | 5 | 25:23 | 20 |
| 9 | Sheffield Utd | 15 | 4 | 7 | 4 | 17:15 | 19 |
| 10 | Arsenal | 15 | 4 | 7 | 4 | 21:23 | 19 |
| 11 | Newcastle | 15 | 5 | 4 | 6 | 15:22 | 19 |
| 12 | Burnley | 15 | 5 | 3 | 7 | 21:24 | 18 |
| 13 | Brighton | 15 | 5 | 3 | 7 | 18:22 | 18 |
| 14 | Bournemouth | 15 | 4 | 4 | 7 | 18:21 | 16 |
| 15 | West Ham | 15 | 4 | 4 | 7 | 17:25 | 16 |
| 16 | Aston Villa | 15 | 4 | 3 | 8 | 22:24 | 15 |
| 17 | Southampton | 15 | 4 | 3 | 8 | 17:33 | 15 |
| 18 | Everton | 15 | 4 | 2 | 9 | 16:27 | 14 |
| 19 | Norwich | 15 | 3 | 2 | 10 | 16:32 | 11 |
| 20 | Watford | 15 | 1 | 5 | 9 | 9:30 | 8 |
