Legan verður á Skarvanesi í tíðarskeiðinum 26 juni til 23 juli. Ætlanin er at bæði børn og vaksin skulu røra seg nógv. Gongutúrar runt Sandoynna, ríðing, svimjing og rógving stendur á skránni. Um veðrið verður vánaligt verður skipað fyri spæli í fimleikarhøllini ella í svimjihylinum á Meginskúlanum á Sandi.
Umframt nógva likamliga rørslu skullu bæði børn og foreldur luttaka í innkeypi og matgerð fyri at læra seg at velja og gera til sunnan kost.
Trý fakfólk verða við alt skeiðið. Ein útbúgvin kostvegleiðari stendur fyri matinnkeypti og matgerð. Barnafysioterapeutur stendur fyri likamligu venjingunum og barnasjúkrasystir hjálpur børninum við serligum tørvi á medisin ella øðrum.
Tað er Jólamerkjagrunnurin sum stendur fíggjarliga aftanfyri summarskeiði. Skeiði er ókeypis undantikið ferðing til og frá Skarvanes.
Pláss er fyri tíggju børnum og minst sjey børn skullu tekna seg fyri at skeiði skal verða hildi.
Treytirnar fyri at sleppa við á skeiði er at bæði børn og vaksin eru motiveraði og síggja yvirvektina sum ein álvarsligan vanda tey ynskja at gera nakað við.
Sodavatn, chips og góðgæti er ikki loyvt at taka við. Og royking er bannað innandura. Børn sleppa ikki at roykja.
Umsóknarblað fæst hjá kommunulækna ella heilsusystir.
