Klokkan 17.26 í kvøld fekk løgreglan boð um, at eldur var í einum gomlum lastbili á parkeringsplássinum uttan fyri skúlan í Søldarfirði.
Á myndini sæst, hvussu stóran skaða eldurin gjørdi, áðrenn tað eydnaðist sløkkiliðnum at bara eldinum. Lastbilurin er meiri og minni kolaður upp.
Løgreglan veit ikki við vissu, hvat tað í veruleikanum var, sum hendi, men bilurin verður kannaður, og tá kanningarnar eru lidnar, kann helst neyvari staðfestast, hví eldur kom í lastbilin.
- Maðurin, sum átti lastbilin, hevði sett bilin frá sær á parkeringsplássinum uttan fyri skúlan í Søldarfirði.
Bilurin verður neyvan til lastbil aftur. Hann er rættiliga illa brendur, sum hendan myndin, vit tóku í Søldarfirði tíðliga í kvøld, vísir.
