Lars Olsen eigur nú pláss í føroysku fótbóltssøguni, sum tann A-landsliðsvenjarin sum hevur vunnið flest stig í einari undankapping. Um tað eydnast føroyska A-landsliðnum at vinna á Lettlandi 7. oktober útjavnar Lars Olsen metið hjá U21-landsliðsmetið hjá Bill McLeod Jacobsen og Heðini Askham, sum við U21-landsliðnum í 2010 og í 2011 fingu 11 stig í einari EM-undankapping.
Lars Olsen viðgongur, at sigurin ímóti Andorra var ikki vakur, men tað tekur ikki lættan og gleðina frá honum um sigurin.
Hann viðgongur, at hann og hópurin hava kent á sær eitt ávíst trýst at skula vinna á Andorra, og hann heldur, at tað merkti spælararnar ta seinastu løtuna av dystinum.
TRÝST á PÍLIN undir MYNDINI, og hoyr samrøðuna Tróndur Arge gjørdi við tann nú søguliga føroyska landsliðsvenjaran.
