Fyrrverandi føroyski landsliðsvenjarin, Lars Olsen, hevur fingið nýtt starv. Hann er nevniliga júst kunngjørdur sum nýggjur 'sponsorchef', sum danir kalla tað, í fótbóltsfelagnum Ishøj IF.
Ishøj IF spælir í Danmarksseriuni, men hevur dreymar um at spæla seg longri uppeftir í deildunum, og at seta Lars Olsen í starv er ein liður í hesum strembanum.
- Hann fer saman við einum eldhugaðum toymi at brúka sína tíð upp á at útvega felagnum pening og orku, soleiðis at vit kunnu røkka nýggjum hæddum, sigur Ishøj IF á facebook.
Lars Olsen var føroyskur landsliðsvenjari frá 2011 til 2019. Eftir hetta gjørdist hann venjari hjá Esberg fB, men fekk sekkin síðsta summar eftir umleið átta mánaðir í felagnum.
