Mánadgin og týsdagin í næstu viku verður landsstýrisseminar á Gjáargarði við Gjógv. Á seminarinum fer landsstýrið millum annað at viðgera fíggjarlógina fyri 2011 og fiskivinnureformin, sum samgongan hevur arbeitt við.
Á middegi týsdagin heldur landsstýrið tíðindafund á Gjáargarði, og tá fer landsstýrið at kunna um tær politisku ætlaninar.
Á tíðindafundinum fer Kaj Leo Johannesen, løgmaður, eisini at almannakunngera ein avrikslista hjá samgonguni, skrivar Løgmansskrivstovan á heimasíðu síni.
