Landsstýrið hevur nú gjørt av at senda tvær milliónir krónur í vanlukkuhjálp til Grønlands eftir flóðalduna í gjár, sum hevur havt tað avleiðing, at fólk hava verið noydd at fara frá húsi og heimi
Løgmaður hevur í dag verið í sambandi við Kim Kielsen, landsstýrisformann, og boða honum frá um hjálpina úr Føroyum.
Í telefonsamrøðu við grønlendska landsstýrisformannin bar eg fram, vegna Føroya fólk, okkara samhuga við grønlendska fólkinum í hesari sváru støðu, sigur løgmaður í eini fráboðan beint nú.
Eg boðaði Kim Kielsen frá, at vit alt fyri eitt eru til reiðar at hjálpa við tveimum milliónum krónum og grønlendski landsstýrisformaðurin takkaði fyri.
– Tað er mín vón, at okkara íkast kann gera ein mun í Grønlandi, sigur Aksel V. Johannesen, løgmaður.
