Føroyska landsliðið vandi í dag á Tórsvølli og eftir venjingini at døma, so vera tað teir somu ellivu, ið byrjaðu inni móti Týsklandi, sum byrja inni í annaðkvøld.
Christian Lamhauge Holst vandi við, men tóktist ikki verða heilt klárur. Mangan eru seinastu prikkarnir komnir upp á pláss í dystinum í seinastu venjingi.
Skal ein meting gerast frá dystinum í venjingini í dag, so verður uppstillingin tann sama sum ímóti Týsklandi í farna mánaði. Tá Lars Olsen deildi upp í 11 móti 11, so vóru teir ellivu, sum byrjaðu móti Týsklandi allir í gulum vestum. Stóra ivamálið er Christian Lamhauge Holst. Spælir hann ikki, so er hugsandi at Súni Olsen ella Hjalgrím Elttør taka yvir.
Teir ellivu, ið byrjaðu móti Týsklandi vóru:
(Málmaður)Gunnar Nielsen
(Verja) Jónas T. Næs Odmar Færøe Rógvi Baldvinsson Pól Jóhannus Justinussen
(Miðvøllur) Daniel Udsen Hallur Hansson Fróði Benjaminsen Símun Samuelsen
(Framrættaður miðvallari) Christian Lamhauge Holst
(Framherji) Jóan Símun Edmundsson
Landsdysturin millum Føroyar og Svøríki verður fríggjadagin klokkan 17.00 á Tórsvølli.
