TRÝST á PÍLIN undir MYNDINI, og hoyr samrøðu, sum varð gjørd við Landskrona-venjaran hjá Eysturríki, Josef Hickersberger. Samrøðan varð gjørd í FSF-húsinum 14. oktober í 2013.
Hickersberger viðgekk, at tað fyllir enn nógv í hansara lívi, at hann tapti ímóti Føroyum, men hann hevur havt eitt gott fótbóltslív síðani tá, har hann m.a. hevur vunnið meistaraheiti í fýra ymiskum FIFA-londum, umframt, at hann aftur var landsliðsvenjari, tá Eysturríki á heimavølli varð vertur fyri EM-endaspælinum í 2008 saman við grannalandinum, Sveis.
Josef Hickersberger sá Eysturríki vinna ein tryggan 3-0 sigur á Tórsvølli, og tann fyrsta sigurin á Føroyum á útivølli. Í 2008 spældu Føroyar og Eysturríki javnleik 1-1 á Tórsvølli, tá Bogi Løkin tryggjaði okkum eitt kærkomið stig.
Í dag hevur Eysturríki eitt av betru landsliðunum í Evropa, og helst tað besta landsliðið síðani 1978.
Á myndini sæst Hickersberger fyrstu ferð hann setti fótin á føroyska jørð, 23 ár aftaná eyðmýkingina í Landskrona.
