Bilarnir sum vórðu ummældir í sendingini Bylgjan hjá Kringvarpinum mikudagin 21. november vóru Toyota Land Cruiser 100 TD LS við 4, 2 (6 syl.) turbo dieselmotori og 204 hk, og Mazda BT-50 Feestyle Cab við 2,5 við turbo dieselmotori og 143 hk.
Fyrri bilurin, ið varð royndarkoyrdur, var ein Mazda BT 50, sum er ein nýggjur modernaður pick-up, sum fæst í fleiri útgávum: Regular Cab, Freestyle Cab, Double Cab og sum Chassis (Regular Cab).
Ongin hurðastólpi millum síðuhurðarnar ger, at bilurin er sera arbeiðsligur, og lætt er at handfara arbeiðsamboð ella hvat tað skal vera inn og út úr kabinuni.
Innan er BT-50 sum ein vanligur persónbilur. Allar útgávurnar hava sum standard t.d. airbag, el-síðurútar, el-síðuspegl, sentrallás, hita í setrunum og radio við fløguspælara og møguleika til MP3-spælara.
Bilurin sum varð royndarkoyrdur var ein Mazda BT 50 við SUMO pakkanum og kostar 282.000 krónur. Mazda BT50 kann síggjast og roynast hjá Bilasøluni í Hoyvík.
Prísirnir byrja við 217.000 krónum.
Toyota Land Cruiser
Seinni bilurin var ein Toyota Land Cruiser 100 TD LS automatic við 4, 2 (6 syl.) turbo dieselmotori við 204 hk. Snúningsmoment 430 Nm v.1200 snún/min
Talan er um ein stóran 7-persónabil við allari útgerð sum t.d. leðurkabinu, køliskápi, bakkikamera, sóltaki, el-stilling av forsetrunum og annars øllum sum hoyrir til ein luksusbil. Eisini hevur hann t.d. luftfjaðraskipan, sum kann stillast í hædd (fríhæddina), og undirvogn sum kann stillast frá komfort til sport.
Viðførisrúmið er 830 litrar, og bilurin vigar 2450 kg.
Bilurin, sum varð royndarkoyrdur, kostar 895.600 krónur. Annars fæst Land Cruiser sum vøruvognur frá 594.600 hjá Reyni Service.
Fróði Løksagarð stóð fyri sendingini, og bilaummælarar vóru Óla Jákup Rólantsson frá Vikublaðnum, og Magnus Gunnarsson frá Sosialinum.
mg
