Í morgun ringdi fólk til løgregluna og boðaðu frá, at ein bilur stóð parkeraður mitt á vegnum á veg ímillum Havnina og Kirkjubø.
Tað var bæði myrkt og tætt í mjørka, og bilar, sum komu framvið, mettu, at bilurin var til stóran vanda fyri ferðsluna, og teir vóru við at rena á hann.
Løgreglan royndi at fáa fatur á eigaranum, men til fánýtis og tí varð flutningsbilur boðsendur at fáa uppsteðgaða bilin burtur.
Løgreglan sigur, at tað er ikki ókent, at bilar steðga upp, og so verða teir bara settir, har teir steðga, um tað so er mitt á vegnum.
Men tað sigur seg sjálvt, at tað er rættiliga óheppið, tí tað er til stóran vanda fyri ferðsluna.
