Til hetta tiltakið vóru boðin Mentanarnevndin og teir sjónleikarar ella statistar, sum eru við í teimum 13 filmrbrotunum, ið gjørd eru til hetta høvið.
Sum kunnugt gjørdi Saxofilm eina sjónvarpsrøð í fýra pørtum til DR2 í 2021 um læknastríðið. Tá kom so nógv gott heimildartilfar undan kavi, at hildið varð skilgott, at fáa hetta tilfar betri til høldar eisini til gagn fyri tey, sum búgva í og annars vitja Klaksvík.
Tí gjørdi Klaksvíkar kommuna samstarv við Saxofilm um at fáa fortalt og lutvíst endurspælt søguna, sum nú kann síggjast og hoyrast umvegis QR-lyklar ymsa staðir í býnum.
Hetta er søgan á gøtuni, ”Gakk og hygg – Walk and watch” eitt virtuelt søgusavn - ella tykissavn, sum tað eisini kann kallast, ið snýr seg um Læknastríðið, søgd í nýggjum hami á staðnum, har leikur fór fram.
##med2##
Soleiðis gert tú
Tú fert á støðini, har søgan hendi fyri nógvum árum síðan í 1953-55 – við tíni snildfon ella teldli, lesur QR-lykilin og ein stutt søga, filmur og frásøgn við Annfinni Heinesen sum verti, kemur upp.
Skjótt fært tú ímyndir og søgur fortaldar um, hvat hendi júst her – og á teimum ymsu støðunum, serliga við havnalagið úti í Klaksvík. Á henda hátt gerst søgan um læknastíðið ítøkilig og væl fortalda.
Tað er gjørdur ein faldari við korti, sum fæst á Kunningarstovuni, í Miðlan og á Fornminnasavninum, ið greiðir frá á føroyskum, donskum og enskum um, hvar QR-lyklarnir eru at finna – og eru filmsbrotini eisini á føroyskum, donskum og enskum.
Um onkur hevur viðmerkingar ella hevur okkurt at leggja afturat, er Saxofilm áhugað at hoyra.
Framløga
Faldarin og verkætlanin annars verður framløgd leygardagin á Sjómannadegnum, hetta eisini tí at stórur partur av leikpallinum hjá læknastríðnum var í økinum, har sjómannadagarnir í dag verða hildnir í sátt og semju.
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##
##med18##
##med19##
##med20##
##med21##
##med22##
##med23##
##med24##
##med24##
##med25##
##med26##
##med27##
##med28##
##med29##
##med30##