Grunnurin Føroya Kirkjumál hevur givið út »Sálmaløg Føroya Kirkju í lættari útgávu«.
Talan er um 109 løg, sum sjálvandi kunnu spælast til nógv fleiri sálmar, tí sama lag verður nýtt til fleiri sálmar.
Bjarni Bæk, próvstur, sigur, at endamálið við hesi útgávu er, at fólk, sum ikki eru so køn at spæla urgu ella klaver, eisini skulu fáa gleði av sálmaløgunum.
? Her er hugsað bæði um kirkjurnar, skúlarnar og ikki minst musikkskúlarnar, sigur Bjarni Bækø
Tað er Jens Mortan Mortensen í Hvalba, sum hevur lagt løgini til rættis. Hann greiðir í formælinum frá, at tað nótabókin ? koralbókin, »Sálmaløg til Føroya kirkju« kom út 2000, var tað fyrstu ferð, at føroysk og útlendsk løg til allar sálmarnar í sálmabókini eru savnað í einari bók.
? »Sálmaløg Føroya kirkju í lættari útgávu« er úrval av hesum sálmum umskrivaðir til tríggjar røddir, sigur hann.
Nakrir av sálmunum eru fluttir í ein tónastiga við færri forteknum. Eingin sálmur hevur fleiri enn trý fortekn. T. v. s. at tú ongantíð skalt nýta fleiri enn tríggjar fingrar, tá tú spælir sálmaløgini á klaver ella urgu.
Bjarni Bæk sigur, at úrvalið er gjørt í samráð við nakrar prestar, og at sálmarnir eru valdir út soleiðis, at sálmar eru til allar kirkjuligar tænastu, so sum dóp, vígslu, jarðarferð og høgtíðirnar.
